Dünya kuboku Rusiyada keçirilən futbol üzrə Dünya Çempionatının qalibi Fransa milli komandasına təqdim edilib. APA-nın xüsusi müxbirinin "Lujniki" stadionundan verdiyi məlumata görə, DÇ-nin final matçında Xorvatiya yığmasına 4:2 hesabı ilə qalib gələn Fransa milli komandası tarixində ikinci dəfə dünya çempionu adına layiq görülüb.
Final matçından sonra qalib Fransaya Dünya kuboku təqdim olunub. Təqdimat mərasimində FİFA prezidenti Canni İnfantino, Rusiya prezidenti Vladimir Putin, Fransa prezidenti Emmanuel Makron, Xorvatiya prezidenti Kolinda Qrabar iştirak ediblər.
İlk öncə Dünya Çempionatının “ən gənc oyunçusu”, “ən yaxşı oyunçusu”, “ən yaxşı bombardiri” mükafatları sahiblərinə təqdim olunub.
Sonra isə Dünya Çempionatının mükafatçıları səhnəyə çıxıblar. Mükafatlar təqdim olunan zaman şiddətli yağış yağmağa başlayıb. Mükafat mərasimi şiddətli yağış altında keçib.
Prezidentlər qızıl və gümüş medalları mükafatçılara təqdim ediblər.
Dünya Kubokunu isə Fransa milli komandasının kapitatnına FİFA prezidenti Canni İnfantino təqdim edib.
Təqdimat mərasimində maraqlı anlar yaşanıb. Belə ki, Xorvatiya prezidenti Kolinda Qrabar FİFA prezidentinin əlində olan Dünya kubokunu öpərək qucaqlayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
