Televizoru sutka boyu açıq saxlamaq göründüyü qədər zərərsiz deyil.
Lent.az xarici mediaya istinadla xəbər verir ki, hətta yüksək görüntü keyfiyyətinə və “ağıllı” funksiyalara malik ən müasir modellər belə fasiləsiz işlədikdə ciddi yüklənməyə məruz qalır ki, bu da bir sıra problemlərə səbəb ola bilər.
Komponentlərin köhnəlməsi və ekranın “yanma” riski
Kompüter və ya digər istənilən elektron cihaz kimi, televizorun daxilində də prosessordan tutmuş enerji blokuna qədər bir çox həssas element var. Uzunmüddətli fasiləsiz istifadə cihazın daha çox qızmasına səbəb olur, bu isə zamanla məhsuldarlığın azalmasına və detallarda nasazlıq riskinin artmasına gətirib çıxarır. Xüsusilə OLED ekranlar daha həssasdır. Əgər eyni interfeys elementləri (məsələn, telekanal loqotipləri və ya menyular) uzun müddət ekranda qalarsa, burn-in effekti yarana bilər yəni pikselərin qalıcı “yanması” və iz şəkillərin qalması. Müasir texnologiyalar bu riski qismən azaltsa da, problemi tam aradan qaldırmır.
Enerji sərfiyyatı və xərclər
Televizor açıq olduğu müddətdə fasiləsiz enerji sərf edir. Modeldən asılı olaraq orta enerji istehlakı 50-200 vatt arasında dəyişir ki, bu da xüsusilə şəbəkədə əlavə avadanlıqlar (smart-pristavkalar, səs sistemləri və s.) işləyirsə, elektrik enerjisi üçün ödənişlərin artmasına səbəb ola bilər.
Əgər televizoru gündə 8-10 saat açıq saxlayırsınızsa, bu, illik elektrik enerjisi istehlakını xeyli artırır və nəticədə xərcləriniz də yüksəlir. Televizorun ömrünü uzatmaq və enerji sərfiyyatını azaltmaq üçün istehsalçılar avtomatik söndürmə taymerlərindən və enerji qənaəti rejimlərindən istifadə etməyi tövsiyə edirlər əgər bu funksiyalar modelinizdə mövcuddursa.
Ümumilikdə, televizor uzunmüddətli işləmək üçün nəzərdə tutulsa da, onu daim açıq saxlamaq məsləhət deyil. Bu, cihazın daha tez köhnəlməsinə, ekranın yanmasına və elektrik xərclərinin artmasına səbəb ola bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
