Telefonları təhlükəsiz dezinfeksiya etməyin yolları AÇIQLANDI

Smartfonları təhlükəsiz şəkildə dezinfeksiya etməyin ən yaxşı yolu izopropil spirtidir.

Lent.az xarici mediaya istinadla bildirir ki, bu üsul barədə Milli Texnologiya Təşəbbüsünün (NTI) SafeNet regional mühəndislik mərkəzinin direktoru Denis Kuvikov açıqlama verib.

Mütəxəssisin fikrincə, COVID-dən qorunmaq üçün əllərinizi yaxşıca yuyub özünüzlə dezinfeksiyaedici vasitələr daşımaqla yanaşı, qadcetlərinizi də dezinfeksiyaedici maddələrlə təmizləməlisiniz. Xüsusilə şüşə, keramika, metal və plastik üzərində koronavirus bir neçə gün yaşaya bilər.

Mümkün dezinfeksiyaedici maddələr kimi mütəxəssis etanol və hidrogen peroksidi tövsiyə edib. Bununla belə, Kuvikovun vurğuladığı kimi, onların tez-tez istifadəsinin mənfi nəticələri məlum olub - ekran örtüyü korlana bilər.

Eyni zamanda, digər ekspert, "Trusted Interaction Technologies" NTI Kompetensiya Mərkəzinin direktor müavini Ruslan Permyakov alternativ olaraq onlayn mağazalarda satılan xüsusi sterilizasiya qutusu almağı məsləhət görüb. O, həmçinin vaxtaşırı smartfonun korpusunu 70 faiz izopropil spirt məhlulu ilə çıxarıb təmizləməyi tövsiyə edib.