Yol polisi Qubada reyd keçirdi

Quba Rayon Polis Şöbəsinin əməkdaşları tərəfindən rayon ərazisində yol hərəkəti təhlükəsizliyinin təmin edilməsi məqsədilə növbəti profilaktik tədbirlər keçirilib.

Lent.az xəbər verir ki konstruksiyasına qanunsuz dəyişikliklər edilən nəqliyyat vasitələri müəyyən olunub və sürücülər barəsində müvafiq tədbirlər görülüb.

Bununla yanaşı, tədbir zamanı piyadaların təhlükəsizliyi də diqqətdə saxlanılıb.

Qeyd edək ki, bu cür tədbirlərin keçirilməsində əsas məqsəd yol hərəkəti iştirakçılarının təhlükəsizliyini təmin etmək, yol-nəqliyyat hadisələrinin qarşısını almaq və avtomobillərin normativ tələblərə uyğun istismarını nəzarətdə saxlamaqdır.