Gəncədə Novruz yarmarkasına start verilib - FOTO

Azərbaycanın Gəncə şəhərində İcra Hakimiyyətinin təşkilatçılığı ilə hər həftənin şənbə və bazar günləri üçün “Novruz Bayramı Yarmarkası- 2018” yarmarkasına start verilib. “Gəncə Grand Qafqaz” Ticarət Mərkəzində yarmarkanın təşkilində məqsəd vətəndaşların büdcələrinə uyğun bazarlıq etməsinə imkan yaradılmasıdır.

Gəncə şəhər İcra Hakimiyyəti başçısının birinci müavini Elnur Rzayev, deputat Pərvin Kərimzadə və deputat. Yeni Azərbaycan Partiyası Gəncə şəhər təşkilatının sədri Naqif Həmzəyev “Grand Qafqaz” Ticarət Kompleksində olub, “Novruz Bayramı Yarmarkası”nda qiymətlərlə, o cümlədən məhsulların keyfiyyəti ilə maraqlanıblar. Onlar “Grand Qafqaz” Ticarət Kompleksinin bir-birindən yaraşıqlı, geniş və işıqlı mağazalarını gəzib, satıcılar, alış-veriş üçün bura üz tutan səhər sakinləri ilə səmimi söhbətlər aparıblar. Təşkil olunan yarmarkada bütün məhsulların keyfiyyətinə nəzarət olunaraq satışa çıxarılır. Burada 30-dan çox müəssisə və şirkətlər alıcılara bazar qiymətindən aşağı mal, qoyun və toyuq əti, un məmulatları, kolbasa və sosiska məhsulları, yumurta, soğan, kartof, müxtəlif çeşiddə yağlar, tərəvəz, meyvə və s. məhsullar təqdim edirlər. Yarmarkada təqdim olunan məhsulların qiymət cədvəli:

Un (50 kq) 20,60 AZN

Un (25 kq) 10.60 AZN

Un (10 kq) 4.40 AZN

Un (5 kq) 2.30AZN

Mal əti (kq-la) 8 AZN

Qoyun əti (kq-la) 9 AZN

Yumurta (ədədlə) 0.10 AZN

Kartof kq 0.40 AZN

Soğan kq 0.30 AZN

Makaron (1 kq) 0.70 AZN

Vermişel (1 kq) 0.80 AZN

Final çay 1.88 AZN