BDU-da telestudiya yaradılacaq

Bu gün Bakı Dövlət Universitetinin rektoru, akademik Abel Məhərrəmovun Türk Əməkdaşlıq və Koordinasiya Agentliyi Bakı Proqram Koordinasiya ofisinin (TİKA) əməkdaşları – koordinator Mustafa Haşim Polat və koordinator müavini İsmail Gürleklə görüşü keçirilib. Lent.az-ın məlumatına görə, rektor Bakı Dövlət Universitetinin tarixi və bu günü barədə məlumat verib, burada işləyən professor-müəllim heyətinin son illər əldə etdiyi uğurlardan bəhs edib.

Rektor universitetin beynəlxalq əlaqələrinin inkişaf etdiyini, o cümlədən Türkiyə universitetləri ilə uğurlu əlaqələr qurulduğunu və bu istiqamətdə münasibətlərin yüksələn xətlə davam etdirildiyini nəzərə çatdırıb.

Görüşdə Avropa Şurası proqramı çərçivəsində Bakı Dövlət Universitetində telestudiyanın yaradılması, Jurnalistika fakültəsində radiostudiyanın maddi-texniki bazasının yeniləşdirilməsi istiqamətində fikir mübadiləsi aparılıb. Sonda layihənin gerçəkləşdirilməsi ilə bağlı müəyyən qərarlar qəbul edilib.