Bakıdakı vulkan püskürməsinin səbəbi açıqlandı
13 oktyabr 2014 11:39 (UTC +04:00)

Bakıdakı vulkan püskürməsinin səbəbi açıqlandı

Bakı və Abşeron yarımadasının palçıq vulkanları qrupu Dövlət Təbiət Qoruğuna daxil olan Keyrəki palçıq vulkanın püskürməsinin səbəbi açıqlanıb.

 

Azərbaycan Milli Elmlər Akademiyası Geologiya İnstitutunun Palçıq vulkanizmi şöbəsinin müdiri Adil Əliyev APA-ya açıqlamasında deyib ki, həmin ərazidə vulkanın püskürməsi enerjinin toplanması nəticəsində baş verib.

 

Onun sözlərinə görə, Keyrəki vulkanındakı püskürməni son dövrlərdə zəlzələlərin artması ilə əlaqələndirmək düzgün deyil. A. Əliyev qeyd edib ki, vulkanlar enerji toplayandan sonra vaxtaşırı püskürür: “Bu vulkan sonuncu dəfə 2002-ci ildə püskürüb. Artıq 12 il keçib. Bu müddət ərzində enerji toplanıb və onun yer səthinə çıxması nəticəsində vulkan püskürüb. Bu təbii hadisədir və normal hesab olunur”.

 

Ötən gün ərazidə olduğunu deyən A. Əliyev bildirib ki, püskürmə güclü olmayıb: “Ətrafda yaşayış binaları var. Heç kim xəsarət almayıb, vəziyyət normaldır. Bu gün işçilər əraziyə göndərilib və orada planlama işləri aparıb, nümunə, ölçülər götürüləcək”.

 

Digər vulkan ərazilərində aktivləşmə və ya enerjinin toplanmasına gəlincə, şöbə müdiri qeyd edib ki, bununla bağlı müvafiq araşdırma aparılmalıdır: “Müəyyən fikirlər var, amma qabaqcadan nəsə demək mümkün deyil”.

 

Qeyd edək ki, Keyrəki palçıq vulkanı Bakıdan 12 km şimalda, Binəqədi qəsəbəsindən bir qədər aralıda yerləşir.

# 907
avatar

Oxşar yazılar

Bu şəhərdə temperatur  REKORDU: 50 dərəcəni   keçib

Bu şəhərdə temperatur REKORDU: 50 dərəcəni keçib

29 may 2024 , 19:57
Xocalı şəhəri

Xocalıya həyat qayıdır - VİDEO

29 may 2024 , 17:22
Meteohəssas insanlar üçün PROQNOZ

Meteohəssas insanlar üçün PROQNOZ

29 may 2024 , 15:05
Sabah  35 dərəcə isti   olacaq - HAVA PROQNOZU

Sabah 35 dərəcə isti olacaq - HAVA PROQNOZU

29 may 2024 , 12:42
Azərbaycanda kimlər çoxuşaqlı ana  hesab olunur? – CAVAB

Azərbaycanda kimlər çoxuşaqlı ana hesab olunur? – CAVAB

29 may 2024 , 11:58
General-mayor Firudin Nəbiyev

Azərbaycan Ordusunun generalı işdən çıxarıldı

29 may 2024 , 11:15
APA TV-nin 11 yaşı tamam olur

APA TV-nin 11 yaşı tamam olur

29 may 2024 , 00:00
Ən az  pensiya verilən   5 ölkə - SİYAHI

Ən az pensiya verilən 5 ölkə - SİYAHI

28 may 2024 , 17:22