Bakı-Sumqayıt qatarlarının gecikmə səbəbi - RƏSMİ AÇIQLAMA

Bakı-Sumqayıt marşrutu ilə hərəkət edən elektrik qatarlarının sürətinin daha da artırılması məqsədilə profilaktik tədbirlər həyata keçirilir, dəmir yolunun mühafizə zolağında, sərnişinlərin təhlükəsizliyini təmin etmək məqsədilə çəpərləmə işləri aparılır.

“Azərbaycan Dəmir Yolları” Qapalı Səhmdar Cəmiyyəti Mətbuat Katibliyinin rəisi Nadir Əzməmmədovun APA-ya verdiyi məlumata görə, bununla əlaqədar elektrik qatarları mənzil başına 48 dəqiqəyə çatır.

Dünən gediş vaxtı 48 dəqiqə olmaqla Bakı-Sumqayıt marşrutu ilə hərəkət edən elektrik qatarları 16 reys edib. Elektrik qatarlarının 8-i Bakı-sərnişin stansiyasından Sumqayıt – sərnişin stansiyasına, 8-i isə əks istiqamətə hərəkət edib. Profilaktik tədbirlər başa çatandan sonra elektrik qatarlarının hərəkət cədvəlinə yenidən baxılacaq, yolda olma vaxtı azaldılacaq. Bakı-Sumqayıt marşrutu ilə hərəkət edən elektrik qatarlarının hərəkət cədvəlində dəyişikliklər olduqca KİV vasitəsilə vətəndaşlara məlumat veriləcək.

Qeyd edək ki, qatar Bakı-Biləcəri-Xırdalan-Sumqayıt istiqamətində və geriyə hərəkət edir. Aparılan yenidənqurma işləri ilə əlaqədar müvəqqəti olaraq Biləcəri və Xırdalan stansiyalarında qatarların dayanması nəzərdə tutulmayıb

Bakı-Sumqayıt-Bakı elektrik qatarlarının müvəqqəti hərəkət cədvəli

16.09.2015-dən

Qatar №	Bakıdan getmə vaxtı	Sumqayıta çatma vaxtı	Sumqayıtdan çıxma vaxtı	Bakıya çatma vaxtı
5405/6002	05¹⁰	05⁵⁸	06⁴⁰	07²⁸
6003/6004	05³⁰	06¹⁸	07¹⁰	07⁵⁸
6005/6006	06⁵⁰	07³⁸	07⁵⁵	08⁴³
6007/6008	07⁵⁰	08³⁸	09⁰⁰	09⁴⁸
6009/6010	16⁰⁰	16⁴⁸	17¹⁰	17⁵⁸
6011/6012	17²⁵	18¹³	18³⁰	19¹⁸
6013/6014	18²⁵	19¹³	19³⁰	20¹⁸
6015/9016	19²⁵	20¹³	20³⁰	21¹⁸