İyul ayında ilan sancmalarından Kliniki Tibbi Mərkəzin Toksikologiya şöbəsinə 14 nəfər müraciət edib ki, onlardan 4-ü azyaşlı olub.
Bu barədə Lent.az-a şöbənin baş həkimi Azər Maqsudov məlumat verib.
O bildirib ki, ümumillikdə aprel ayından indiyə kimi ilan sancması ilə bağlı müraciətlərin sayı 52 olub: “Müraciət edənlər arasında ölüm faktı qeydə alınmayıb. Havalar hələ ki isti keçir. Ona görə də insanlar ehtiyatlı olmalıdırlar”.
A.Maqsudov ilan sancmalarına qarşı yetərli zərdab ehtiyatının olduğunu da açıqlayıb.
Onun sözlərinə görə, ilan sancmaları ilə bağlı müraciətlər daha çox Hacıqabul, Şirvan, Bərdə, Yevlax, Qəbələ, Tovuz, Şəmkir, Daşkəsən rayonlarından olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
