Bu gün Azərbaycan Respublikasının Prezidenti yanında Əfv Məsələləri Komissiyasının ilk iclası keçirilib.
Lent.az xəbər verir ki, bu barədə APA-ya komissiyanın üzvü, Mətbuat Şurasının sədri Rəşad Məcid məlumat verib.
O bildirib ki, komissiya 700 dən çox müraciətə baxacaq: “Burda qadınlar, əcnəbilər, hərbi qulluqçular, yol-nəqliyyat hadisələri , ömürlük məhkumlar və s. bağlı müraciətlərə baxacaq. İlk iclasda 100-dən artıq müraciətə baxıldı. Gərgin və məhsuldar müzakirələr aparıldı”.
Rəşad Məcid deyib ki, növbəti iclas barədə məlumat veriləcək.
***
10:39
Bu gün Azərbaycan Respublikasının Prezidenti yanında Əfv Məsələləri Komissiyasının ilk iclası keçiriləcək.
Lent.az xəbər verir ki, saat 15:00-da başlayacaq iclasda Komissiyaya daxil olan müraciətlər araşdırılacaq.
Qeyd edək ki, 28 May – Müstəqillik Günündə Prezident İlham Əliyev tərəfindən növbəti humanist addım kimi Əfv Sərəncamının imzalanacağı gözlənilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
