Yaradıcılıq işlərini Azərbaycanda davam etdirən Türkiyənin tanınmış opera ifaçısı Oya Ergün ölməz sənətkar Rəşid Behbudovun repertuarından ifa etdiyi “Sevgilim” mahnısını klip çəkdirir. Lent.az-ın məlumatına görə, ekran işinin çəkilişləri Azərbaycan Dövlət Filarmoniyasında baş tutub.
Oya Ergün klip haqqında fikirlərin belə ifadə edib: “Bildiyiniz kimi bu yaxınlarda mənim Azərbaycan Dövlət Filarmoniyasında lentə aldığım ölməz Rəşid Behbudovun mahnılardan ibarət yeni albomum işıq üzü gördü. Mənim üçün albomda ifa etdiyim mahnıların hər biri çox əzizdir. Amma mən “Sevgilim”i seçərək ona klip çəkdirmək istədim. Klipin çəkilişləri 3 gün davam edəcək. Artıq çəkilişin 2 gününü geridə buraxdıq. İnşallah, bu yaxınlarda klipi musiqi sevərlərə təqdim olunacaq. Düşünürəm ki, məmnun qalacaqlar. Albomda olduğu kimi klipin də keyfiyyətli çıxması üçün əlimdən gələni etdim. İnşallah, bu yaxınlarda konsertim də olacaq”.
Qeyd edək ki, Oya Ergünün klipini gənc rejissor Fərhad Ali çəkib. Klip bu yaxınlarda tamaşaçılara təqdim olacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
