Xalq artisti Brilliant Dadaşova Amerikada “Big Apple Awards” mükafatı alıb. Lent.az-ın məlumatına görə, B.Dadaşova bir çox dünya şöhrətli ulduzlarla bərabər Nyu Yorkda Master Teathre konsert salonunda gerçəkləşən “Big Apple Worlds Award” mükafatlandırılma mərasimində iştirak edib. Xalq artisti iki il davamlı mükafata nominat olsa da, nəhayət bu il "Fəaliyyəti boyu Dünya musiqisinə töhfələrinə" görə bu mükafatına layiq görülüb.
B.Dadaşova məhz təşkilat komitəsinin xüsusi dəvəti ilə layihədə iştirak edən yeganə Azərbaycanlı müğənnidir. Brilliant xanımdan başqa dünya şöhrətli ulduzlar Amr Diab, Sakis Rouvas, İgor Nikolayev, Myriam Fares mükafatla təltif olunublar.
Qeyd edək ki, bir neçə il öncə B.Dadaşova Amerika Birləşmiş Ştatlarının Vaşinqton, Nyu York və digər şəhərlərində solo konsert proqramları ilə çıxış edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
