İşdən çıxarılan mədəniyyət işçilərinin gələcək planları

Bu günlərdə yaş senzinə görə, işdən azad olunan mədəniyyət xadimləri yaradıcılığa davam edəcəklərini deyirlər.

Yaş senzinə görə tutduğu vəzifədən azad olunanlardan biri uzun illər Dövlət Muğam Teatrının direktoru işləmiş, Azərbaycanın xalq artisti, rejissor Arif Qazıyevdir. Direktor kimi işdən uzaqlaşsa da, yaradıcılıqdan uzaqlaşmadığını deyib.

Gənc Tamaşaçılar Teatrının baş rejissioru, xalq artisti Cənnət Səlimova isə teatrda baş rejissor vəzifəsindən çıxmağına baxmayaraq, rejissior kimi burada öz fəaliyyətini davam etdirəcək.

Dünya şöhrətli “Qaya” qrupunun rəhbəri Rauf Babayev isə hələ hər hansısa bir planlar haqda düşünmədiyini, indi daha çox öz sağlamlığının qayğısına qaldığını deyir.

Qeyd edək ki, yaş senzi ilə bağlı olan ixtisar nəticəsində Üzeyir Hacıbəyli adına Azərbaycan Dövlət Simfonik Orkestrinin baş dirijoru, xalq artisti Rauf Abdullayev, Dövlət Uşaq Filarmoniyasının rəhbəri Fərəh Şəkinksaya da tutduqları vəzifələrdən azad olunublar. Vəzifəsindən azad olunan mədəniyyət xadimlərinə 500 manat mükafat da verilib.

ANSPRESS