Opera və Balet Teatrının simfonik orkestri Münhen tamaşaçılarını heyrətləndirib - FOTO
Teatrın mətbuat xidmətindən Lent.az-a verilən məlumata görə, bu il həmin festivala dünyanın 34 ölkəsindən - Avropa, Asiya və Latın Amerikasının müxtəlif ölkələrindən dirijor, rejissor və vokal sənəti ulduzları qatılıb. Festival çərçivəsində bütün konsert və tamaşalar anşlaqla keçib, Almaniya və Avropanın digər ölkələrində KİV və televiziya kompaniyaları vasitəsilə geniş işıqlandırılıb. Festivalın baş sponsoru dünya şöhrətli “Volkswagen” avtomobil şirkəti olub.
Simfonik orkestr avqustun 7-də festivalın Qrand-Final konsertində iştirak edib. Konsertdə dünya şöhrətli məşhur vokalçılar – Rossana Kardia (İtaliya), Yana Dolezilkova (Çexiya), Mariya Joze Rodriqes (Meksika), Uvone Fontane (Böyük Britaniya), Adam Kim (Cənubi Koreya), Anna Nesuba (Almaniya), Andrzey Saçuk (Polşa), Mario Tcanq (Kanada) və b. çıxış edibilər. Konsertin proqramına isə Qərbi Avropanın məşhur bəstəkarları C.Puççini, C.Verdi, C.Rossini, P.Maskanyi, P.Çaykovski, Ş.Qunonun populyar əsərləri daxil olunub. Qala-konserti Münhen opera sənəti festivalının baş dirijoru və bədii rəhbəri Korneliya fon Kerssenbrofk idarə edib. Azərbaycanın xalq artisti, professor Cavanşir Cəfərovun dirijorluğu ilə ifa edilən nömrələr arasında isə Azərbaycan bəstəkarları Q.Qarayev, F.Əmirov, T.Quliyev və P.Bülbüloğlunun musiqisi də yer alıb. Konsertin sonunda simfonik orkestr Q.Qarayevin “Yeddi gözəl” baletindən vals ifa edərkən zaldakı bütün tamaşaçılar ayağa qalxaraq musiqiçilərimizi alqışlayıblar.
Qala-konsertdə iştirak edən “Volkswagen” şirkətinin prezidenti Riçard Maysinqer həyat yoldaşı ilə birlikdə musiqiçilərimizə yaxınlaşaraq onları təbrik edib: “Biz bugünkü konsertdən böyük zövq aldıq. Orkestr bu gün yüksək professional səviyyədə çıxış etdi. Dünyanın ən məşhur bəstəkarlarının mürəkkəb əsərləri orkestrin ifasında böyük ustalıqla ifa olundu. Bu çıxış göstərdi ki, Azərbaycan təkcə öz nefti ilə deyil, həm də yüksək akademik sənəti və professionallardan ibarət simfonik orkestri ilə fəxr edə bilər. Bugünkü musiqi bayramını mən və həyat yoldaşım hər zaman xatırlayacağıq”.
Konsertdən sonra tamaşaçılar iki cərgəyə düzülərək avtobuslara minməyə yollanan orkestrimizin artistlərini yenidən alqışlamağa başlayıblar. Festivalın gedişini işıqlandıran qəzetlərdən bir çoxu öz materiallarında Azərbaycan Dövlət Akademik Opera və Balet Teatrının simfonik orkestrinin ifaçılıq səviyyəsi haqqında yüksək fikirlər söyləyiblər. Münhen opera festivalının bədii rəhbəri və baş dirijoru Korneliya fon Kerssenbrofk da Azərbaycan musiqiçilərini yüksək qiymətləndirib.
Xəyalə Muradlı
Simfonik orkestr avqustun 7-də festivalın Qrand-Final konsertində iştirak edib. Konsertdə dünya şöhrətli məşhur vokalçılar – Rossana Kardia (İtaliya), Yana Dolezilkova (Çexiya), Mariya Joze Rodriqes (Meksika), Uvone Fontane (Böyük Britaniya), Adam Kim (Cənubi Koreya), Anna Nesuba (Almaniya), Andrzey Saçuk (Polşa), Mario Tcanq (Kanada) və b. çıxış edibilər. Konsertin proqramına isə Qərbi Avropanın məşhur bəstəkarları C.Puççini, C.Verdi, C.Rossini, P.Maskanyi, P.Çaykovski, Ş.Qunonun populyar əsərləri daxil olunub. Qala-konserti Münhen opera sənəti festivalının baş dirijoru və bədii rəhbəri Korneliya fon Kerssenbrofk idarə edib. Azərbaycanın xalq artisti, professor Cavanşir Cəfərovun dirijorluğu ilə ifa edilən nömrələr arasında isə Azərbaycan bəstəkarları Q.Qarayev, F.Əmirov, T.Quliyev və P.Bülbüloğlunun musiqisi də yer alıb. Konsertin sonunda simfonik orkestr Q.Qarayevin “Yeddi gözəl” baletindən vals ifa edərkən zaldakı bütün tamaşaçılar ayağa qalxaraq musiqiçilərimizi alqışlayıblar.
Qala-konsertdə iştirak edən “Volkswagen” şirkətinin prezidenti Riçard Maysinqer həyat yoldaşı ilə birlikdə musiqiçilərimizə yaxınlaşaraq onları təbrik edib: “Biz bugünkü konsertdən böyük zövq aldıq. Orkestr bu gün yüksək professional səviyyədə çıxış etdi. Dünyanın ən məşhur bəstəkarlarının mürəkkəb əsərləri orkestrin ifasında böyük ustalıqla ifa olundu. Bu çıxış göstərdi ki, Azərbaycan təkcə öz nefti ilə deyil, həm də yüksək akademik sənəti və professionallardan ibarət simfonik orkestri ilə fəxr edə bilər. Bugünkü musiqi bayramını mən və həyat yoldaşım hər zaman xatırlayacağıq”.
Konsertdən sonra tamaşaçılar iki cərgəyə düzülərək avtobuslara minməyə yollanan orkestrimizin artistlərini yenidən alqışlamağa başlayıblar. Festivalın gedişini işıqlandıran qəzetlərdən bir çoxu öz materiallarında Azərbaycan Dövlət Akademik Opera və Balet Teatrının simfonik orkestrinin ifaçılıq səviyyəsi haqqında yüksək fikirlər söyləyiblər. Münhen opera festivalının bədii rəhbəri və baş dirijoru Korneliya fon Kerssenbrofk da Azərbaycan musiqiçilərini yüksək qiymətləndirib.
Xəyalə Muradlı
725