İlqar Cahangirov hələ işdən azad olunmayıb - AÇIQLAMA
03 dekabr 2012 12:26 (UTC +04:00)

İlqar Cahangirov hələ işdən azad olunmayıb - AÇIQLAMA

Azərbaycan Dövlət Gənc Tamaşaçılar Teatrı əməkdar artist İlqar Cahangirovun işdən azad olunması ilə bağlı rəsmi xəbər yayıb. Teatrın mətbuat xidmətindən Lent.az-a verilən məlumata bildirilir: “Azərbaycan Dövlət Gənc Tamaşaçılar Teatrın aktyoru, əməkdar artist İlqar Cahangirovun işdən qovulması haqqında məlumat yayılıb. Teatrın rəhbərliyi rəsmi şəkildə bildirir ki, bütün bu xəbərlər şayiədir. Çünki İlqar Cahangirov öz xahişi ilə işdən azad olmaq üçün ərizə ilə kadrlar şöbəsinə müraciət edib və onun ərizəsinə müvafiq qaydada baxılmaqdadır. O, teatrın repertuarında olan bir neçə tamaşada əsas rolların ifaçısıdır. Və hələ ki, onun işdən azad edilməsi barədə rəsmi əmr yoxdur. Hər bir vətəndaşın işə qəbul olunmaq və işdən azad olunmaq hüququ vardır. Bu da İlqar Cahangirovun hüququdur. İlqar Cahangirov siyasi əqidəsinə görə deyil, özünün də qeyd etdiyi kimi daha yüksək məvacibli işdə çalışması ilə əlaqədar bu addımı atıb”.

Jalə
# 1853

Oxşar yazılar