Ən qanqaraldıcı elmi kəşfləri

Belə elmi kəşflər insanlara ya ilham verir, ya da onları şoka salır.Bəzi hallarda bu kəşflərin cəfəngliyinə gülməyə də məcbur edir.

Məsələn, qaranlıqda işıqlanan elektron uşaq əskiləri və ya gecənin qaranlığında iPhone-la işləməyin piylənməyə təsiri, əlbəttə, dramatik hadisələrdir. Ancaq bir sıra tədqiqatlar bizi depressiyaya düşməyə də məcbur edə bilər. Bunu “Ən qəmgin elmi kəşflər”in “Top 10”-nu tərtib etmiş “Live Science” portalının əməkdaşları güman edirlər.

Onlar birinci yerə kaliforniyalı bioloqların istənilən halda çarpayını ev heyvanları ilə paylaşmağı qadağan edən kəşfini çıxarıblar. Əgər dinc pişik balasını çarpayıya buraxsanız, sizin stafilakoka, meningitə, askaridə və ya hansısa parazitə yoluxmaq ehtimalınız son dərəcə böyükdür. Heyvanları öpmək qətiyyən olmaz. Bunun da nəticəsi dəhşətli ola bilər.

Növbəti bəd xəbər bir fincan çayla peçenye yemək həvəskarlarına ünvanlanıb. ABŞ alimlərinin qənaətincəə, peçenyenin hazırlanmasında istifadə olunan yumurtalar tez-tez salmonelyoza yoluxmuş olurlar və peçenye xəmirinin özü isə faktiki olaraq çiydir. Amerikanın Xəstəliklərə Nəzarət və Profilaktika üzrə Mərkəzində peçenyedə yalnız unun insan üçün təhlükəsiz olduğunu hesab edirlər.

Əgər siz bütün bunlara baxmayaraq, çoxlu peçenye yeməkdən özünüzü saxlaya bilmirsinizsə, mütəxəssislərin əlində qanınızı qaraltmaq üçün növbəti dəlil var: hətta ən ciddi fiziki yüklənmə və təmrinlər artıq çəkini atmağa kömək etmir. İdman zallarında vaxt keçirməklə siz yalnız əzələlərinizi inkişaf etdirirsiniz. Belə ki, sürətlə və səmərəli arıqlama yalnız çox yeməkdən əl çəkməklə mümkündür.

Qanqaraldıcı kəşflərin siyahısına düşənlər arasında süd vəzisi xərçənginə, yuxu pozulması və depressiyaya gətirib çıxaran bütün gecəni televizorun arxasında oturmaq və mobil telefonla danışmaq; vərdişə və genetik mutasiyalara səbəb olan qaralma,ə uşaqların təhsil almasını və onları əhatə edən dünyadan yeni informasiyanı qəbul etmək qabiliyyətini təhlükə altına qoyan “Süngər Bob - kvadrat şalvarlar” məşhur çoxseriyalı cizgi filmi də vardır.
Bundan başqa, sübut edilib ki, nəhəng sayda mikrobları mübadilə edə biləcəkləri səbəbindən iki adamın eyni tikəni birlikdə dişləməsi də qadağandır.

AzərTAc