Müğənni Elvin Abdullayev yaradıcılıq işlərindən danışıb. Lent.az-a açıqlama verən ifaçı bildirib ki, yay mövsümünə uyğun fotosessiya etdirib: “Yayın gəlişi ilə əlaqədar isti ab-havalı fotolar istədim. Buna görə də yenə mənim sevimli fotoqrafım Elgün Zamanın obyektivi qarşısına keçdim. Yayda yaradıcılığımla bağlı bir çox yeniliklər planlaşdırıram. Bəziləri maddiyata görə ləngiyir. Yeni mahnı və klip gözlənilir. “O gün” mahnıma klip olacaq”.
İfaçı şou-biznesdən və toylardan da söz açıb: “İki ildir ki, şou-biznesdə durğunluqdur. Gözləyirik ki, bunun aqibəti necə olacaq. Çoxları toyun olmaması ilə əlaqələndirir. Amma sənətçi tək toydan qazanmır ki... Hərənin öz biznesi var. Toylar yoxdur deyib, mahnı yazdırmayaq, klip çəkdirməyək? Onda şou-biznes gərək batsın. Buna imkan verməmək üçün hamı işləməlidir. Düzdür, razıyam ki, buna maddiyat səbəb olub. Gəlir az olanda, çalışmaq həvəsi də azalır. Səbr edək, düzələcək. Şou- biznesimiz bir mafiyadır. Burada ad qazanmaq, gündəmdə qalmaq üçün çalışmaq lazımdır".
İfaçı bu yay istirahət üçün Bodruma yollanacağını bildirib: "Ən gözəl bölgələrimizdən biri olan Qaxa gedəcəm. İyulun sonunda isə xanımımla birlikdə Bodruma yollanacağam".