Qəzada ölən Müğənni Aslanın məzarından YENİ FOTOLAR-YENİLƏNİB

Lent.az müğənni Aslan Hüseynovun Gəncədəki məzarından yeni görüntülər təqdim edir.

4 may Saat 19:22

Müğənni Aslan Hüseynov Gəncədə dəfn olunub.

Lent.az-ın məlumatına görə, dəfn mərasimində mərhumun qohumları və sənət dostları iştirak edib. Onlar arasında müğənni Niyam Salami, Səidə Dadaşova, Sevda Kazımova və başqaları olub.

Qeyd edək ki, A.Hüseynov bu gün Bakı-Qazax yolunun 60-cı km-də avtomobil qəzasında dünyasını dəyişib.

***

14:47

Bu gün avtomobil qəzasında dünyasını dəyişən müğənni Aslan Hüseynov Gəncədə anasının yanında dəfn ediləcək.

Bu barədə Lent.az-a ifaçının ailəsindən xəbər verilib.

Qeyd edək ki, A.Hüseynovun anası aprelin 26-da dünyasını dəyişib.

Müğənni Aslan Hüseynov anası ilə

***

Saat 14:28

Baş Dövlət Yol Polisi İdarəsi müğənni Aslan Hüseynovun ölümünü təsdiqləyib.

İdarənin İctimaiyyətlə əlqələr şöbəsinin rəisi Namidan Piriyev Lent.az-a açıqlamasında bildirib ki, A.Hüseynovun idarə etdiyi BMW markalı avtomobil yük maşınına çırpılıb. Nəticədə müğənni almış olduğu ağır xəsarətlərdən hadisə yerindəcə ölüb.

Faktla bağlı araşdırma aparılır.

***

Saat 14:09

Müğənni Aslan Hüseynov ölüb.

Bu barədə Lent.az-a müğənni Səidə Dadaşova deyib.

O, bildirib ki, Aslan yol qəzasında dünyasını dəyişib.

Hadisə Bakının Qaradağ rayonunda olub.