Şamaxıdakı qətlin ŞOK TƏFƏRRÜATLARI: "Whatsapp" yazışmalarını tutdu - YENİLƏNİB

Şamaxıda qohumlar arasında baş verən faciənin səbəbləri məlum olub.

Lent.az-ın əldə etdiyi məlumata görə, Saday Manafov bibisi oğlu Rəfail Feyzullayevi qısqanclıq zəminində, həyat yoldaşı ilə münasibətindən şübhələndiyinə görə qətlə yetirib. O, tərəflər arasında "Whatsapp" mesaj yazışmalarını gördükdən sonra R.Feyzullayevi öldürəcəyini, lakin qarşı tərəf buna məhəl qoymayaraq, buna cəsarəti çatmayacağını bildirib. Bundan hiddətlənən S.Manafov onu öldürmək üçün planlar qurub.

Qeyd edək ki, R.Feyzullayev Şamaxı rayonunda qardaşına məxsus “Anar” restoranının administratoru olub.

Hazırda araşdırmalar davam etdirilir.

***
21.12.2023

Saat: 19:06

Şamaxıda qohumlar arasında ədavət faciə ilə nəticələnib

Daxili İşlər Nazirlinin mətbuat xidmətindən Lent.az-a verilən xəbərə görə, dekabrın 21-də saat 18 radələrində şəxsi münasibətlər zəminində 33 yaşlı Manafov Saday Əlismayıl oğlu 44 yaşlı Feyzullayev Rəfail Qərib oğlunu odlu silahla qətlə yetirib.

Sadaf Manafov hadisədən sonra intihara cəhd edib və cəhdin qarşısı alınıb.

O, saxlanılaraq istintaqa təhvil verilib.

Saday Manafov polis əməkdaşıdır.