Telman İsmayılovun oteli dünyanın ən lüks mehmanxanasıdır
11 noyabr 2009 15:30 (UTC +04:00)

Telman İsmayılovun oteli dünyanın ən lüks mehmanxanasıdır

“Mardan Palace”a İngiltərədə mükafat verildi
Londonda turizm sahəsində nüfuzlu “World Expedition Awards mükafatları” təqdim olunub.

Lent.az-ın Türkiyə mətbuatına istinadən verdiyi məlumata görə, Azərbaycan əsilli iş adamı Telman İsmayılovun Antalyada tikdirdiyi “Mardan Palace” mehmanxanası dünyanın ən lüks mehmanxanası sayılıb.

“Mardan Palace”la bərabər, başqa bir nominasiya üzrə də Türkiyə mehmanxanası mükafat alıb. Xidmət səviyyəsinə görə Antalyanın Bələk rayonundakı “Adam & Eve” mehmanxanası ən mükəmməl layihəyə malik mehmanxana sayılıb və mükafatlandırılıb.

120 ölkə gözəlinin qatıldığı tədbirdə “Adam & Eve” mehmanxanasının müdiri Alper Uçara mükafatı Cənubi Afrika gözəli, “Mardan Palace” mehmanxanasının nümayəndəsi Robert Marekə isə mükafatı Venesuela gözəli təqdim ediblər.
1 2 3 4 5 İDMAN XƏBƏRLƏRİ
# 725

Oxşar yazılar