Azərbaycanda yeni dövlət xidməti yaradılıb
25 iyun 2009 18:30 (UTC +04:00)

Azərbaycanda yeni dövlət xidməti yaradılıb

Azərbaycan prezidenti İlham Əliyev «Antiinhisar siyasəti və istehlakçıların hüquqlarının müdafiəsi sahəsində fəaliyyətin təkmilləşdirilməsi haqqında» fərman imzalayıb.

Bu barədə «APA-ECONOMICS»ə prezidentin mətbuat xidmətindən məlumat verilib.

Dövlət başçısının fərmanı ilə İqtisadi İnkişaf Nazirliyi (İİN) yanında Antiinhisar Dövlət Xidməti və İstehlak Bazarına Nəzarət üzrə Dövlət Xidmətinin bazasında İİN yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti yaradılıb. Dövlət Xidməti işçilərinin say həddi 172 ştat vahidi müəyyən edilib.

Fərmana əsasən, Nazirlər Kabineti bir ay müddətində Antiinhisar Siyasəti və İstehlakçıların Hüquqlarının Müdafiəsi Dövlət Xidməti haqqında əsasnamənin layihəsini hazırlayaraq dövlət başçısına təqdim etməlidir.
# 364

Oxşar yazılar