Beynəlxalq ehtiyatlarımız 275 milyon dollar azalıb
18 yanvar 2010 12:15 (UTC +04:00)

Beynəlxalq ehtiyatlarımız 275 milyon dollar azalıb

Ötən ilin dekabrında Azərbaycanın beynəlxalq ehtiyatlarının həcmi əvvəlki ayla müqayisədə 274,9 milyon azalaraq 5 milyard 668 milyona düşüb.

Lent.az “İqtisadi forum” jurnalına istinadən bildirir ki, ötən ilin noyabrında ehtiyatın həcmi 5 milyard 943 milyon dollar olub. 2009-cu ilin yanvar ayı ilə müqayisədə beynəlxalq ehtiyatların həcmi ilin sonuna 13,6 faiz və ya 773 milyon dollar azalıb. Yanvar ayında bu göstərici 6 milyard 441 milyon dollar təşkil edib.

Beynəlxalq ehtiyatın 5 milyard 365 milyon dolları xarici valyutada yerləşdirilən aktivlər təşkil edir. Ölkənin Beynəlxalq Valyuta Fondundakı ehtiyat mövqeyi 0,1 milyon dollara bərabərdir. SDR-də (xüsusi borclanma hüququ) isə yatırılan vəsaitin həcmi 302,9 milyon dollardır.

Xatırladaq ki, hazırda Azərbaycanın beynəlxalq ehtiyatlarının tərkibinə qızıl yoxdur. Bundan başqa, beynəlxalq ehtiyatlara Neft Fondunun vəsaiti də daxil edilməyib.

Elxan SALAHOV
# 240

Oxşar yazılar