Dimitri Nazarov iki qol vurdu, komandası qələbə qazandı

Almaniya II Bundesliqasında XXVIII tura start verilib. Apasport.az saytının məlumatına görə, milli komandamızın futbolçusu Dmitri Nazarovun şərəfini qoruduğu “Aue” öz meydanında “Münhen 1860”la qarşılaşıb.

Görüş meydan sahiblərinin 3:0 hesablı qələbəsi ilə yekunlaşıb.

Matça start heyətində başlayan Dima oyunu əvəzolunmadan keçirib. O, dubl edərək komandasının qələbəsində önəmli rol oynayıb. Milli üzvü 42 və 73-cü dəqiqələrdə penaltini dəqiq yerinə yetirib.

Qeyd edək ki, 28 oyundan sonra aktivində 32 xal olan “Aue” turnir cədvəlinin 15-ci pilləsində qərarlaşıb.