Azərbaycan cüdoçusu Avropa ikincisi oldu

İsrailin paytaxtı Tel-Əvivdə keçirilən cüdo üzrə Avropa çempionatının ikinci günündə Azərbaycan millisi aktivinə bir medal yazdırıb.

Lent.az-ın “azərtac”a istinadən xəbərinə görə, 73 kiloqram çəki dərəcəsində mübarizə aparan Hidayət Heydərov çempionatın gümüş medalına layiq görülüb. Bu çəki dərəcəsində yarışan digər cüdoçumuz Rüstəm Orucov ilkin mərhələdə uduzaraq medalsız qalıb.