“Nə Bədavi Heseynova, nə də başqa bir futbolçuya görə hansısa klubdan təklif almamışıq”. Bunu apasport.az saytına “Qarabağ”ın icraçı direktoru Əmrah Çəlikəl deyib.
Türkiyə mətbuatı “Trabzonspor” klubunun Bədavi Hüseynovla maraqlandığı və hətta tərəflər arasında danışıqlara başlandığı haqda məlumat yayıb. Çəlikəl isə bu məlumatı təkzib edib: “Ola bilsin ki, “Trabzonspor” Bədavi ilə maraqlanır. Ancaq bizə Türkiyə klubundan rəsmi müraciət daxil olmayıb. Bu üzdən də məsələ ilə bağlı geniş danışmağa ehtiyac duymuram”.
Klub rəsmisi müqavilə müddəti başa çatan futbolçularla danışıqların başa çatmaq üzrə olduğunu da əlavə edib: “Leroy Corc, Admir Teli kimi müqavilə müddəti başa çatan bir neçə futbolçumuz var. Onlarla danışıqlar davam edir. Yəqin ki, yaxın günlərdə bu danışıqlar yekunlaşacaq. Çalışırıq bu məsələlərə vaxt itirmədən yekun vurub transfer çalışmalarını sürətləndirək. Hazırda görüşdüyümüz bir neçə futbolçu var”.
Qeyd edək ki, Türkiyə mətbuatının iddiasına görə, “Qarabağ” Bədavi Hüseynovun transferi üçün “Trabzonspor”dan 1 milyon avro tələb edib.
11:09
“Qarabağ”ın daha bir futbolçusu karyerasını Türkiyə Superliqasında davam etdirə bilər. Apasport.az saytının “haberturk.com”a istinadən məlumatına görə, müdafiəçi Bədavi Hüseynov “Trabzonspor”un maraq dairəsinə düşüb.
Bildirilir ki, müdafiə xəttini gücləndirmək fikrinə düşən trabzonlular Bədavi ilə yanaşı, Hollandiyanın “Vitess” klubundan Roşdi Açente ilə də danışıq aparırlar.
“Trabzonspor”un artıq bununla bağlı “Qarabağ”a rəsmi müraciət etdiyi vurğulanır. Ağdam klubu isə bu keçid üçün qarşı tərəfdən 1 milyon avro istəyib. Xəbərdə hazırda danışıqların davam etdiyi qeyd olunur.
Xatırladaq ki, Bədavi Hüseynov bir ara Superliqanın digər təmsilçisi “Qaziantepspor”un da maraq dairəsinə düşmüşdü. Mövsüm başa çatan kimi isə “Qarabağ”ın makedoniyalı yarımmüdafiəçisi Muarem Muarem “Əskişəhərspor”a keçmişdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
