PSJ-nin baş məşqçisi keçmiş oyunçusu ola bilər

“Pari Sen- Jermen”in (PSJ) keçmiş yarımmüdafiəçisi Tiaqo Motta Fransa klubunun baş məşqçisi ola bilər.

Lent.az xarici KİV-ə istinadla bildirir ki, əgər argentinalı Maurisio Poçettino ilə razılaşma əldə olunmasa, parislilərin rəhbərliyi 38 yaşlı Motta ilə müqavilə variantına baxacaq.

Xatırladaq ki, Motta 2012-ci ildən 2018-ci ilədək PSJ-də çıxış edib. O, komandanın heyətində 231 oyunda iştirak edib, 12 qol vurub və 18 məhsuldar ötürmə verib.

İtaliyalı karyerasını başa vurandan sonra Parisin gənclərdən ibarət komandasının məşqçisi işləyib. Sonradan – ötən ilin oktyabr ayından dekabra qədər “Genoa” klubunun baş məşqçisi olub.