Mourinyo PSJ-nin HƏDƏFİNDƏ

PSJ-nin idman müşaviri Luis Kampos Joze Mourinyo üçün hərəkətə keçib. Kampos portuqaliyalı çalışdırıcının meneceri Xorxe Mendeşlə danışıqlara başlayıb.

Kristof Qaltyenin rəhbərliyi altında Çempionlar Liqasında arzuladığı uğuru qazana bilməyən PSJ-nin yeni çalışdırıcısı ilə bağlı hərəkətə keçib.

Lent.az bildirir ki, “RMC Sport”da yer alan xəbərə görə, Fransa komandasında idman məsləhətçisi işləyən Luis Kampos komandanın başına çoxdan tanıdığı vətəndaşı Joze Mourinyonu gətirmək istəyir.

Kamposun onu PSJ-yə əla namizəd kimi gördüyü qeyd edilib. Portuqaliyalı futbol adamının bu istiqamətdə Joze Mourinyonun meneceri Jorge Mendes ilə əlaqəyə başladığı bildirilib.

Digər tərəfdən, Mourinyonun da PSJ-nin baş məşqçisi olmağa can atdığı iddia edilir.

Mourinyonun Romadakı həyatını çox sevdiyi və bu səbəbdən ötən həftə "Çelsi"dən gələn təklifi geri çevirdiyi qeyd edilib. İtaliya komandası ilə UEFA Konfrans Liqasının qalibi olan portuqaliyalı çalışdırıcının əlindəki fürsətlər nəzərə alınmaqla daha yaxşısını etməyin çətin olacağını düşündüyü və ambisiyalarına görə PSJ, “Real” kimi komandaların təklifini qəbul edə biləcəyi iddia edilir.

2021-ci ildən "Roma"nı çalışdıran Joze Mourinyonun İtaliya komandası ilə müqaviləsi gələn il başa çatır.