Messi PSJ-də maaşının artırılmasını istəyib

Argentinalı hücumçu Lionel Messi dünya çempionatının qalibi olduqdan sonra PSJ klubundan maaşının artırılmasını istəyib.

Lent.az xarici mediaya istinadla bildirir ki, mənbənin sözlərinə görə, əvvəllər futbolçu ilə klub rəhbərliyi köhnə şərtlərlə yeni müqavilə ilə bağlı razılığa gəliblər, Lakin Argentina millisinin dünya çempionatında qələbəsindən sonra Messi maaşının artırılmasını istəyib. Bu səbəbdən razılaşma üzrə danışıqlar dalana dirənib.

Futbolçuya yaxın olanlar qeyd edirlər ki, danışıqları ləngidən maliyyə şərtləri deyil, Messinin növbəti mövsümdə klubun necə inkişaf etməyi planlaşdırdığını bilmək istəyidir.

Daha əvvəl "Barselona"nın hücumçunu bir və ya iki illik transfer etmək istədiyi bildirilirdi. Aprelin 23-də sport.es xəbər verib ki, argentinalı İspaniyaya uçub və Kataloniya komandasındakı keçmiş tərəfdaşları ilə görüşüb.

Messi 2021-ci ilin avqustunda PSJ ilə müqavilə imzalayıb, müqavilənin müddəti 2023-cü ilin iyun ayına qədərdir - bir mövsümlük uzadılma variantı ilə. Bundan əvvəl hücumçu karyerası boyu "Barselona"da çıxış edib və bu komandada on dəfə İspaniya çempionu olub və dörd dəfə Çempionlar Liqasının qalibi olub.