Messi karyerasını bu klubda başa vura bilər

Lionel Messinin PSJ ilə müqaviləsinin mürəkkəbi qurumamış məşhur argentinalının karyerasını okeanın o başında davam etdirməsi üçün yeni cəlbedici təklif səsləndirilib.

Lent.az bildirir ki, Britaniyanın “Mirror” nəşrinin xəbərinə görə, ABŞ MLS klubu “İnter Mayami” “Barselona”nın keçmiş futbolçusu ilə müqavilə imzalamağa çox maraqlıdır.

Komandanın sahibi Devid Bekhemin argentinalı superulduzun karyerasını “İnter Mayami”də başa vurması üçün Lionel Messi ilə artıq danışıqlar apardığı da bildirilir.

Bekhemin bu istəyi ilə komandanın digər sahibi, Floridadan olan iş adamı Xorxe Masın da həmrəy olduğu iddia edilir.

“Messinin klubumuzun formasında oynayacağına nikbin baxıram, argentinalıların nüfuzu “İnter Mayami” sahiblərinin dünya səviyyəli bir klub yaratmaq ambisiyalarına uyğundur”, - xəbərdə vurğulanır.

Amerikalı klub sahiblərinin bu istəklərinin gerçəkləşmək istədikləri, iki ildən sonra, Messinin PSJ ilə müqaviləsi başa çatanda bilinəcək.

Bu arada, 34 yaşlı argentinalı avqustun 29-da "Reyms"lə oyunda yeni klubunda debüt etməyə hazırlaşır.