Barselona məhkəməsi “Barselona”nın və Braziliya milli komandasının keçmiş futbolçusu Dani Alveşin vəkilinin həbs qətimkan tədbirinin dəyişdirilməsi ilə bağlı vəsatətini yenidən rədd edib.
Lent.az xarici mediaya istinadla bildirir ki, futbol tarixində ən çox mükafat alan oyunçu cinsi təcavüzdə ittiham olunur. Müdafiə tərəfi Dani Alveşin 1 milyon dollar girov müqabilində azadlığa buraxılmasını təklif edib, lakin məhkəmə futbolçunun qaça biləcəyini hesab edib, ona görə də işə baxılana qədər onu həbsdə saxlayıb.
İdmançı bu ilin yanvarında həbs edilib və bu müddət ərzində iş üzrə bir neçə dəfə ifadəsini dəyişib. Braziliyalının bir müddət əvvəl formasını geyindiyi Meksikanın “Pumas” klubu müqaviləsini ləğv edib. Alvesin həyat yoldaşı Joana Sanz yanvar ayında boşanmaq üçün məhkəməyə müraciət edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
