Çempion olmasa, bu oyunçular satılacaq

London klubu titul qazana bilməyəcəyi təqdirdə heyətini böyük hissəsini satışa çıxarmağa hazırlaşır.

Lent.az bildirir ki, “La Gazzetta dello Sport”un xəbərinə görə,, bu, “Arsenal”ın çox arzulanan liqa titulunu ala bilməyəcəyi təqdirdə baş verəcək.

Jurnalistlərin fikrincə, bu halda "topçular"ın rəhbərliyi heyəti ciddi şəkildə yeniləməyi və bir sıra hazırkı oyunçularla ayrılmağı planlaşdırır.

Hazırda Folarin Baloqun, Qranit Caka və Aleksandr Zinçenko artıq transfer siyahısındadır. Eyni zamanda, azı 45 milyon avro məbləğində təklif gələrsə, ukraynalını satmağa hazırdırlar.

Hamı Aleksandr üçün bu qədər pul verməyə hazır deyil. Məsələn, “İnter” və “Milan” ukraynalının xidmətində maraqlıdırlar, lakin bu cür xərcləri ödəyə bilmirlər.

Jurnalistlərin fikrincə, yeganə ciddi iddiaçı “Bavariya”dır. Münhen klubu Zinçenko və adı hallandırılmayan digər futbolçu üçün 30 milyon avro təklif etməyə hazırdır.