Bir fotonun HEKAYƏSİ: Altı oyunçu Maradonaya qarşı

Ola bilsin ki, Dieqo Maradonanın hər bir pərəstişkarı 1982-ci il dünya çempionatından məşhur şəkli görüb.

Lent.az xarici mediaya istinadla bildirir ki, şəkildəki görüntüdə Dieqo ilə Belçika millisinin altı oyunçusu qarşılaşır. Və görünür, əfsanəvi argentinalı hər kəsin öhdəsindən gəlməyə hazırdır.

Bu fotoşəkil Maradonanın rəqiblərində yaratdığı qorxunu simvollaşdırmalı idi. Baxmayaraq ki, meydanda vəziyyət adi idi.

Bu altı belçikalı cərimə zərbəsi zamanı divarda dayanırdılar və Dieqoya ötürmə edildikdən sonra dönüb topa doğru hərəkət etməyə başlayırlar. Amma Maradonaya hücum etmək niyyətində deyildilər.