"Bavariya" bu mövsüm Bundesliqa çempionluğunu qazana bilməsə, baş məşqçi Tomas Tuxeli istefaya göndərməyi planlaşdırır.
Lent.az bildirir ki, bu barədə “Goal.com” xəbər verir.
Bildirilir ki, alman mütəxəssisin Münhen klubunda etibarı qeyri-qənaətbəxş nəticələrə görə azalıb. 49 yaşlı baş məşqçinin təyinatından sonra bavariyalılar üç məğlubiyyət alıb, iki görüşdə heç-heçə edib və iki qələbə qazanıb.
Xatırladaq ki, Tuxel 2023-cü ilin mart ayının sonunda "Bavariya"ya rəhbərlik edir. Onun rəhbərliyi altında Almaniya komandası Çempionlar Liqasını tərk edərək, turnirin 1/4 finalında "Mançester Siti"yə uduzub, həmçinin Frayburqdan Almaniya Kubokunu tərk etdi.
Hazırda münhenlilər Almaniya çempionatının turnir cədvəlində ikinci pillədə qərarlaşıb (59 xal), Dortmund “Borussiya”sından (60 xal) bir xal geri qalır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
