"Barselona"ya qayıdarsa, Messiyə ödəniləcək məbləğ AÇIQLANDI

Lionel Messinin "Barselona"ya dönəcəyi təqdirdə müqaviləsinin detalları öyrənilibb.

Lent.az bildirir ki, “Diario Sport”un xəbərinə görə, argentinalı hücumçu maliyyə iştahını əhəmiyyətli dərəcədə tənzimləməli və maaşını azaltmalı olacaq.

Maliyyə çətinlikləri və La Liqanın müəyyən etdiyi tavan səbəbindən kataloniyalılar artıq hücumçuya böyük məbləğdə pul ödəyə bilmirlər.
İndi mövsüm üçün Kataloniya klubunun rəhbərliyi Messiyə cəmi 25 milyon avro verməyə hazırdır ki, bu da PSJ-yə keçməzdən əvvəl əvvəlki müqaviləki məbləğdən 4 dəfə azdır.

Hücumçu razılaşarsa, bu halda 2025-ci ilə qədər iki mövsümlük müqavilə imzalanacaq, lakin hazırkı dünya çempionu müqaviləni 2024-cü ildə ləğv etmək hüququna malik olacaq.

Eyni zamanda, əfsanəvi hücumçunu komandanın düşərgəsinə qaytarmaq üçün “Barselona” mütləq bir neçə futbolçu ilə ayrılmalı olacaq.

Xatırladaq ki, 35 yaşlı argentinalının PSJ ilə müqaviləsi yayda başa çatır. Beləliklə, o, başqa kluba pulsuz keçə biləcək. O, bu mövsüm Paris klubunun heyətində bütün yarışlarda 35 oyuna çıxıb, 20 qol vurub və 18 məhsuldar ötürmə edib.