Narkotik bitki əkən, satan saxlanılıb

Kürdəmir rayonunda narkotik tərkibli bitki olan marixuananın qanunsuz əkini və satışı ilə məşğul olan şəxs tutulub.

Rayon Polis Şöbəsindən APA-ya verilən məlumata görə polis əməkdaşları şübhəli şəxs qismində Sığırlı kənd sakini, 1975-ci il təvəllüdlü Süleymanov Famil Elxas oğlunu saxlayıblar. Onun üzərinə baxış keçirilən zaman çəkisi 12.88 qram olan qurudulmuş marixuana aşkar edilərək götürülüb. Sonra polis əməkdaşları Famil Süleymanovun evinə baxış keçirərək oradan xeyli miqdarda marixuana toxumu aşkar edərək götürüblər. Əvvəllər məhkum olunmuş Famil Süleymanov özünə məxsus pay torpağında marixuananı xüsusi üsulla becərdiyini, qurudaraq həm özü istifadə etdiyini, həm də satdığını etiraf edib. O toxumları yeni mövsümdə əkinə hazırlıq üçün topladığını bildirib.

Faktla bağlı Kürdəmir rayon Polis Şöbəsi tərəfindən cinayət işi açılıb, araşdırma aparılır.