Azərbaycanda daha bir doğuş faciəsi:<span style="color:red;"> ana və körpəsi öldü
25 noyabr 2014 11:04 (UTC +04:00)

Azərbaycanda daha bir doğuş faciəsi: ana və körpəsi öldü

Ötən gün axşam saatlarında İsmayıllı rayon Mərkəzi Xəstəxanasında ana və körpəsi doğuş vaxtı ölüb.

 

Lent.az-ın azvision.az-a istinadən verdiyi məlumata görə, Quşencə kənd sakini Ağayeva Afət Balaqardaş qızı doğuş vaxtı dünyasını dəyişib.

 

Həkimlərin səyinə baxmayaraq körpənin də həyatını xilas etmək olmayıb. Onu təcili olaraq Bakıya aparsalar da, körpə yolda keçinib.

Hadisədən xəbər tutan xəstənin yaxınları xəstəxanada qarşıdurma yaradıblar. Xəstənin ailə üzvləri A.Ağayevanın həkim günahından öldüyünü bildiriblər. 

“Afətin heç bir xəstəliyi, problemi yox idi. Onu həkimlər öldürdülər”-deyə xəstənin yaxınları əməliyyat aparan həkimdən şikayət edəcəklərini deyiblər.

Qeyd edək ki, A.Ağayeva 3 uşaq anası olub. Doğuşu həkim Məlahət Hüseynova aparıb. Maraqlı fakt odur ki, M.Hüseynovanın adı bundan öncə də daha bir ana və körpə ölümündə hallanmışdı. Belə ki, ötən ilin iyunun 28-də Lahıc qəsəbə sakini, 1981-ci il təvəllüdlü Ağabalayeva Şəhla Aydın qızı da doğuş zamanı dünyasını dəyişmişdi. Hadisədə təqsirləndirilən həkim M.Hüseynova 6 ay doğuşa girmək qadağan edilmişdi.

Hadisə ilə bağlı hazırda araşdırma aparılır.

 

# 3009
avatar

Oxşar yazılar