Ev yandı: ər və arvadı xəstəxanalıq oldu - YENİLƏNİB

Cəlilabadda yaşayış evində partlayış olub.

Rayon Polis Şöbəsindən APA-ya verilən məlumata görə, hadisə rayonun Privolnoye kəndində qeydə alınıb. Kənd sakini Muxtar Rzayevin yaşadığı evdə məişətdə istifadə edilən qaz balonunun nasazlığından ani partlayış baş verib. Nəticədə yanğın olub və yanıq xəsarəti alan M.Rzayev, arvadı Nərmin, qohumları Jalə Rzayeva, Alidə Rzayeva və Ülkər Əsgərova xəstəxanaya yerləşdiriliblər. J. Rzayevanın vəziyyəti orta-ağır, digərlərinin vəziyyətləri qənaətbəxşdir.

*****

11:23

Cəlilabad rayonunda ev yanıb. Lent.az-ın məlumatına görə, rayonun Ocaqlı kəndində Muxtar Rzayevə məxsus fərdi yaşayış evində yanğın baş verib. Hadisə vaxtı ev sahibi və xanımı müxtəlif dərəcəli bədən xəsarətləri alıb. Onlar əvvəlcə rayon mərkəzi xəstəxanasına, daha sonra isə Bakıdakı tibbi müəssisələrindən birinə yerləşdiriliblər.