![[b]Meksikada təyyarə dağlara çırpıldı - 13 ÖLÜ[/b]](https://lent.az/storage/news/2019/may/07/big/4cde37f83d657632e2d7eae8c42a6041.jpg)
Meksikanın Koauila ştatının Monklova bələdiyyəsi ərazisində "Bombardier Challenger 601" tipli özəl biznes-sərnişin təyyarəsi qəzaya uğrayıb.
ONA-nın yerli KİV-ə istinadən verdiyi xəbərə görə, təyyarə dağlıq ərazidə yerə çırpılıb.
Nəticədə sərnişin təyyarəsinin bütün sərnişinləri və ekipaj üzvü həlak olub. Bölgənin ictimai təhlükəsizlik nazirliyi tərəfindən yayılmış məlumatda qəza nəticəsində 13 nəfərin öldüyü təsdiqlənib.
Bildirilir ki, təyyarədə olanlardan üçü ekipaj üzvü, 10 nəfəri isə sərnişin olub. Təyyarə Okampo bələdiyyəsinin əlçatmaz dağlarına düşüb. İlkin məlumata görə, təyyarə tufana düşüb, bundan sonra pilot məcburi eniş etmək istəyib.
Qeyd edək ki, təyyarə ABŞ-ın Las-Veqas şəhərindən Meksikanın Monterrey şəhərinə uçurmuş.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
