Şəmkir su anbarından cərəyanla balıq tutan saxlanıldı - FOTO

Şəmkirdə qanunsuz balıq ovlayan saxlanılıb.

Daxili İşlər Nazirliyinin mətbuat xidmətinin Gəncə regional bölməsindən Lent.az-a verilən məlumata görə, keçirilən növbəti reyd zamanı Şəmkir Su Anbarının ərazisində quraşdırılan qanunsuz torlar və balıqların ovlanması üçün istifadə olunan müxtəlif növ qurğular polis əməkdaşları tərəfindən sudan çıxarılıb və qanunamüvafiq qaydada tədbirlər görülüb.

Monitorinq zamanı kustar üsulla hazırlanmış elektrik avadanlığı ilə qanunsuz olaraq balıq ovu ilə məşğul olan Şəmkir rayon sakini Vüqar Həsənov saxlanılıb. Onun ovladığı “şəhmayı”, "çəki", “daban” (karas) balıqları, qayıq və digər elektrik avadanlıqları maddi sübut kimi götürülüb. V. Həsənov barəsində cinayət işi başlanılıb araşdırmalar davam etdirilir.

Qeyd edək ki, Su Nəqliyyatında Polis İdarəsi və onun tabeli qurumlarının əməkdaşları tərəfindən anoloji tədbirlər davam etdirilir.