Azərbaycanda itkin düşən kişinin meyiti dərədən tapıldı - YENİLƏNİB

Xəbərə video əlavə olunub.

***

13:18

Lerikdə itkin düşən kişinin meyiti tapılıb.

Lent.az xəbər verir ki, axtarışlar zamanı itkin düşən şəhər sakini 35 yaşlı Şərifov Şahin Musa oğlunun meyiti Zuvand kəndində, 70 metrlik dərinlikdə, çay kənarında tapılıb.

Mərhumun hansı səbəblə öldüyü hələlik bilinmir. Meyit müayinə olunması üçün aidiyyəti üzrə şöbəyə göndərilib.

Araşdırma aparılır.

***
10:55

İtkin düşən Lerik sakininin tapılması üçün tədbirlər görülür.

DİN-in mətbuat xidmətinin Lənkəran regional qrupundan Lent.az-ın sorğusuna cavab olaraq bildirilib ki, Lerik rayon sakininin itkin düşməsi ilə bağlı daxil olmuş məlumat üzrə həmin şəxs axtarışa elan edilib. Hazırda onun tapılması istiqamətində polis əməkdaşları tərəfindən tədbirlər görülür.

***
10:04

Lerikdə kişi itkin düşüb.

Lent.az xəbər verir ki, bu barədə məlumat sosial şəbəkələrdə yayılıb.

Məlumata əsasən, Lerik şəhərində yaşayan Şərifov Şahin Musa oğlu mayın 31-i, saat 21.55-dən etibarən müəmmalı şəkildə yoxa çıxıb. Qeyd olunur ki, hazırda bütün rayon camaatı və rayon Polis Şöbəsi əməkdaşları onun axtarışındadır.

Onu görənlərdən polisə məlumat vermələri xahiş olunur.