Oyun meydançasında partlayış: 22 ÖLÜ

Somalinin cənubunda hərbi sursatın partlaması nəticəsində ikisi uşaq olmaqla 22 nəfər həlak olub.

Lent.az xəbər verir ki, bu barədə yerli rəsmilər bildirib.

Mətbuat konfransı zamanı Abdi Əhməd Əli adlı məmur bildirib ki, partlayış Somalinin paytaxtı Moqadişudan təxminən 120 kilometr cənubda yerləşən Qoryoley şəhəri yaxınlığında baş verib.

AFP-nin məlumatına görə, uşaqlardan biri ehtiyatsızlıqla oyun meydançasında partlayıcı qurğunu işə salıb. Partlayış nəticəsində ölənlərin çoxu yeniyetmədir.

Region 2007-ci ildən bəri beynəlxalq səviyyədə dəstəklənən Somali federal hökumətinə qarşı üsyana rəhbərlik edən Əl-Şəbab qruplaşmasının hədəfindədir.

Ötən ay Əl-Qaidə ilə əlaqəli qrupun Qoryoleydən təxminən 30 kilometr aralıda yerləşən Bulo Marer şəhərində Afrika İttifaqının bazasına hücumu 54 Uqanda sülhməramlısının ölümü ilə nəticələnmişdi.

Qrup Somalinin əsas şəhər və bölgələrindən sıxışdırılıb çıxarılsa da, kəndlərdə hələ də böyük gücə malikdir.