Minik maşını TIR-la toqquşdu: ata-ana və övladları diri-diri yandılar

Türkiyədə dəhşətli yol qəzası olub.

Lent.az yerli mediaya istinadla bildirir ki, hadisə bolu şəhərində Anadolu magistralında baş verib. 41 yaşlı Feyzullah Doğanın idarə etdiyi minik avtomobili ilə 51 yaşlı Saleh Uyarın idarə etdiyi yük avtomobili (TIR) toqquşub.

Daha sonra TIR-da başlayan yanğın, minik maşınına da keçib. Avtomobil söndürülsə də, içərisindən sürücü F. Doğan, onun arvadı 34 yaşlı Şahsenem, övladları 12 yaşlı Eren və 3 yaşlı Korayın meyiti tapılıb. Daha 3 nəfər isə yaralanıb.

Saleh Uyar xəstəxanada ilkin tibbi yardımdan sonra saxlanılıb.