Məktəbdə 21 uşaq zəhərləndi

Xabarovsk diyarında məktəbdə kütləvi zəhərlənmə olub.

Lent.az Rusiya mediasına istinadla bildirir ki, hadisə Elban kəndindəki məktəbdə baş verib.

Məlumata görə, sentyabrın 7-dən 8-dək Elban kənd məktəbindəki ibtidai siniflərdə oxuyan 21 şagird qarın ağrısı və qusma şikayəti ilə tibb müəssisəsinə müraciət edib. Onlardan 8 uşaq zəhərlənmə əlaməti ilə rayon xəstəxanasının yoluxucu xəstəliklər şöbəsinə yerləşdirilib.

Bununla bağlı Rusiya Federasiyası Cinayət Məcəlləsinin 236-cı maddəsinin 1-ci hissəsi ilə cinayət işi başlanıb.