Bakıdan Tbilisiyə gedən təyyarə geri qayıtdı

Bakıdan Tbilisiyə uçan təyyarə əlverişsiz havaya görə geri qayıdıb.

“Buta Airways” aviaşirkətinin Bakı-Tbilisi marşrutu üzrə J2-9225 saylı reysini yerinə yetirən hava gəmisinin kapitanı Tbilisi hava limanı ərazisində hava şəraitinin kəskin pisləşməsi (tufan) səbəbindən uçuş hava limanına qayıtmaq qərarına gəlib.

Bu barədə Lent.az-a “Azərbaycan Hava Yolları” QSC-dən bildirilib.

Qeyd olunub ki, təyyarə saat 23:19-da Heydər Əliyev Beynəlxalq Aeroportunda uğurla yerə enib.

Şəhərdə hava şəraiti yaxşılaşdıqdan sonra bu reysin sərnişinləri Tbilisiyə yola düşəcəklər.