Bakıda marşrut avtobusu qəza törədib.
Lent.az xəbər verir ki, hadisə Binəqədi rayonu, 9-cu mikrorayon ərazisində qeydə alınıb. Sürücünün idarəetməni itirməsi nəticəsində avtobus səkiyə çırpılaraq, hasarın üstünə çıxıb. Zərbənin təsirindən işıqfor da aşıb.
Qəza zamanı avtobusda sərnişinlərin olduğu da bildirilir.
Bakı Nəqliyyat Agentliyindən APA-ya verilən xəbərə görə, “Vətən” firmasının istismarında olan 26 nömrəli müntəzəm marşrut üzrə xətti üzrə 10 TF 897 DQN-lı avtobusun iştirakı ilə yol nəqliyyat hadisəsi baş verib. Daşıyıcının verdiyi məlumata əsasən, hadisə nəticəsində xəsarət alan yoxdur.