Azərbaycanlı qadın Ərəbistanda tutuldu

O, qadınları fahişəliyə cəlb etməkdə təqsirləndirilir
Azərbaycandan axtarışda olan qadın Ərəbistanda saxlanılıb.

Lent.az-ın Daxili İşlər Nazirliyinin saytına istinadən məlumatına görə, Azərbaycan Respublikasında İnterpolun Milli Mərkəzi Bürosu əməkdaşlarının keçirdikləri əməliyyat-axtarış tədbirləri nəticəsində Xətai RPİ tərəfindən Cinayət Məcəlləsinin 243-cü maddəsi (fahişəliyə cəlb etmə) ilə axtarışda olan Nailə Dadaşova Birləşmiş Ərəb Əmirliyində tutulub. Onun ekstradisiya olunması üçün tədbirlər görülür.
DİN İnsan Alverinə Qarşı Mübarizə İdarəsi əməkdaşlarının keçirdikləri əməliyyat tədbirləri nəticəsində isə Ağdam rayon sakini Rafət Həmidova gəlir əldə etmək məqsədi ilə qadınları Türkiyəyə göndərib cinsi istismara məruz qoyması faktı ilə əlaqədar tutulub.