Narkobaron azərbaycanlı arvadının falına inandı, tutuldu
19 may 2009 11:30 (UTC +04:00)

Narkobaron azərbaycanlı arvadının falına inandı, tutuldu

Falda yolu açıq görünsə də, o, polisdən yayına bilmədi

Türkiyənin Şanlıurfa, Hatay, Van və Qaziantep vilayətlərində narkotik ticarəti ilə məşğul olan 3 dəstəni zərərsizləşdirmək üçün əməliyyat keçirilir.

Lent.az-ın Türkiyə mətbuatına istinadən məlumatına görə, 6 aydır, davam edən əməliyyata Ankara polisi rəhbərlik edir.

Polisə cinayətkar dəstənin başçısı M.K.-nin Şanlıurfadan Ankaraya narkotik gətirəcəyi barədə məlumat daxil olub. Narkotiki təhvil alan M.K. ilə onun azərbaycanlı xanımı V.K. arasında maraqlı telefon danışığı olub. M.K. kartla fala baxan arvadı V.K.-ya telefonda “bir neçə saat sonra yola çıxacağıq, fala bax, gör, polis bizi izləyirmi?”, - deyə soruşub.

V.K. fala baxandan sonra ərinə zəng edərək “yolunuz açıqdır, tərtəmiz görünür”, - deyib. Falçı arvadının sözlərinə inanan M.K. yola çıxıb və Ankarada polis tərəfindən saxlanılıb. Onun maşınından 12 kq narkotik götürülüb. Polisin eyni zamanda 32 ünvanda kemirdiyi əməliyyat nəticəsində 11-i qadın olmaqla 51 nəfər tutulub. Həmin ünvanlardan 16kq-dan çox narkotik vasitə və silah götürülüb.
# 693

Oxşar yazılar