İranlı dramaturqlar İrəvanda

İslam Respublikasının 9 nəfər dramaturqundan ibarət bir qrup Tehrandan İrəvana səfər edib.

Lent.az-ın «Tehran tayms»-a istinadən məlumatına görə, onlar Ermənistan Yazıçılar Birliyinin üzvləri ilə görüşüb.

2010-cu ildə Ermənistan Yazıçılar Birliyi ilə İslam Respublikası Dramaturqlar mərkəzinin teatr forumu arasında imzalanmış razılaşmaya əsasən, bir həftəlik səfər gerçəkləşdirilib.

İranlı yazıçılar bunlardır: Behzad Səddiqi, Məhəmmədəmir Yarəhmədi, Əlirza Nadiri, Susan rəhimi, Salma Səlaməti, Bəhram Cəlalpur. Sadiq Səfaii, Əmehdi Mirbəkiri, Andranik Xoçumyan.

Səfər çərçivəsində pyeslərin oxunulması, tamaşaların göstərilməsi planlaşdırılıb.

İran pyeslərinin ermənilər tərəfindən tərcümələrinin təqdimatının keçiriləcəyi gözlənilir.

Onların arasında Məhəmmədəmir Yarəhmədinin «Köhnə ülgüc» və Məhəmməd Çarmşirin «Ordibehşt ayında Ayın ölməsi haqqında sevgi tarixi» əsərləri də var.

Kitabalar Edvarda Axverdiyan , Corco Asaturyan və başqa erməni tərcüməçilər tərəfindən tərcümə edilib.

Sədrəddin Soltan