Zelenski: “Populyarlığım məni ilhama gətirmir, çünki bədəli müharibədir"

“Rusiyalı hərbçilərin Ukraynanın dinc əhalisini ələ salması daha qorxuludur”.

Lent.az xəbər verir ki, bunu Ukrayna prezidenti Vladimir Zelenski Avstraliyanın "Nine Network" telekanalına müsahibəsində ona qarşı edilən sui-qəsdlərə münasibət bildirərkən deyib.

"Bizim indiyədək yaşadıqlarımıza və yaşamaqda davam etdiklərimizə, insanların zirzəmilərdə olmasına, onlara əzab verilməsinə, ukraynalıların quyularda tapılmasına baxanda düşünürəm ki, mənim vəziyyətim az- çox qorxulu deyil. Mən insanlarımızın, xüsusilə onların yaxınlarını itirən ailələrinin vəziyyətinə görə dəhşətə gəlirəm", - Zelenski vurğulayıb.

Zelenski onun dünyada populyar olmasını isə belə şərh edib:

"Populyarlığım məni ilhama gətirmir, çünki bu populyarlığın bədəlini bilirəm, bu bədəl- müharibədir".

Ukrayna lideri əlavə edib ki, sadəcə, özümüzə məxsus olanı geri qaytarmaq istəyirik:

“Sadəcə, torpağımıza sakitliyin dönməsini, sadəcə, insanların öz evlərinə qayıtmasını istəyirik. Bizə artıq heç nə lazım deyil. Biz özümüzə aid olanları götürmək istəyirik. Hətta götürmək yox, - mən düzgün ifadə etmədim, - sadəcə, geri qaytarmaq istəyirik".