ABŞ Hərbi-Hava Qüvvələri ötən gün İraqın Mosul şəhəri yaxınlığında “İŞİD” terror qruplaşmasının rəhbərlərinin olduğu ehtimal edilən avtomobil karvanını məhv edib. APA-nın “İTAR-TASS”a istinadən verdiyi xəbərə görə, bu barədə ABŞ Silahlı Qüvvələrinin Mərkəzi Komandanlığı məlumat yayıb.
Məlumata görə, avtomobil karvanına 10 nəqliyyat vasitəsi daxil olub. ABŞ kəşfiyyatının məlumatına görə, avtomobil karvanında olan şəxslər “İŞİD” rəhbərlərinin toplantısında iştirak ediblər.